Зари Искендеров АбдуллагьГьажимурадович I9II-йисан I6-майдиз Куьре округдин Мегьарамдхуьре дидедиз хьана. Советрин девирда ада Бакуда кьилин образование къачуна, гзаф йисара хайи Хуьруьн мектебда, тарихдин муаллим ва директор яз, кIвалахна.
Дагъустандин халкьдин писатель Межидов Къияс Межидович 1911-йисуз Самур округдин Ахцегь хуьре дидедиз хьана. Аял вахтар Бакуда акъатна. Ина ада мектебда кIелна, сифте эсерар теснифна ва литературадин кIватIалда иштиракна.
Асваров Муьгьуьдин Рустамович I9I2-йисуз Самур округдин Чепер хуьре дидедиз хьана. Ада вичин бубадивай кIел-кхьин ва илимрин дибар чирна, Ахцегьа ШКМ-да кIелна ва Бакуда муал-лимвилин курсар куьтягьна. Гзаф йисара Азербажандин ва Дагъус¬тандин школайра кIвалахна.
Зари ва журналист Мингьажев Серкер Субгьанвердиевич I9I2-йисуз Самур округдин Теки хуьре дидедиз хьана. Ада агалкьунрал-ди Миграгърин мектебда, Дагъустандин чилерин техникумда ва Краснодардин партийный школада кIелна. Агъул ва Докъузпара районра жавабдар къуллугъар авуна.
Султанов Балакъардаш 1912-йисуз Куьре округдин Агъа СтIал хуьре дидедиз хьана. Фад етим хьайи Балакъардаша батраквал авуна. Хуьруьн мектеб ва Дербентдин педтехникум куьтягьна, Агъа СтIалрин мектебда муаллимвиле кIвалахна.
Алим ва зари Эфендиев Осман Мамедович I9I2-йисуз Куьре округдин Штул хуьре дидедиз хьана. Ада сифте вичин буба Мегьа-медавай кIелиз-кхьиз чирна, ахпа хуьруьн мектебда, Дербентдин педтехникумда, Азербайжандин пединститутда кIелна.
Алим ва зари Юсуфов Рамазан Юсуфович I9I2-йисуз Куьре округдин Гъетегъ хуьре дидедиз хьана. Ада хайи хуьруьн мектебда, Дербентдин педтехникумда, Дагъустдндин пединститутда ва Моск¬вада высший партийный школада кIелна.