Мегьамед Агъа

Зари Мегьамед Агъа (Мамедов Мегьамед Агъаевич) 1930-йисан 9-апрелдиз КIцар райондин Эвежугъ хуьре дидедиз хьана.
Ада юкьван мектеб ва 1953-йисуз Азербайжандин пединститут куьтягьна, гзаф йисара хайи хуьре муаллимвиле кIвалахзава.
Мегьамед Агъадин шиирар, гьикаяр, мезелияр ва маса эсерар 50-йисарилай газетриз ва журналриз акъатзава, уртах кIватIалра гьатнава. Ам аялар патал акъуднавай "ГъвечIи Фатма ва рагъ" (1991), "Авач ахвар булахдиз" (1999), "Мезелияр" (2000), "Насиран кIел" (2000) ва «Медалар алай кицI» (2001) ктабрин автор , Лезги ва Азербайжандин писателрин союзрин член я.

Акимов Къ. Х. «Лезги зарияр»