Зарияр

Алим ва шаир Эмирали 1790-йисуз Къуба магьалдин Тагьиржал хуьре дидедиз хьана. Ада сифте хайи хуьруьн ва Къубадин, ахпа Вини Ярагъдал Мегьамед-эфендидин медресайра кIелна, диндин ва тIебии илимар, РагъэкъечIдай патан чIалар чирна.

Зари ва таржумачи Мирзе Керим I820-йисуз Куьре магьалдин Штул хуьре дидедиз хьана. Ада Ахцегьрин ва Вини Ярагърин мед­ресайра кIелна, илимрин дибар ва чIалар чирна Гзаф йисара лезги, туьрк ва урус чIаларин таржумачи яз, Дербент шегьерда яшамиш хьана.

Уста Мардали Миграгърин хуьре 1820-йисуз Асваран хзанда дидедиз хьана. Ада, вири вичин яргъи уьмьурда дерзичивал ийиз, хизан хвена. Самур ва Куьре дерейра, Къуба пата Мардали тефей хуьр бажагьат жагъин. Гзаф йисар ада шаир Кесиб Абдуллагь хайи хуьр тир Манкъулида акъудна.

Алим ва шаир Гьажи Абдурагьман (Ахцегь Абдурагьман) I82I-йисуз Ахцегьа дидедиз хьана. Хайи хуьруьн медресада илим-рин дибар ва РагъэкъечIдай патан чIалар чирна, ада гзаф йисара гьа и медресада тарсарни гана.

Зари Гьашим (XlX acup) Куьре магьалдин Агъа ЗахитI хуьре дидедиз хьана. Ам савадлу инсан тир. ЗахитI Гьашима дуьньядикай, кесиб инсанрин дерди-баладикай, диндин шартIарикай дерин мана квай шиирар теснифна. 3. Гьашиман чIалар Къубадин хуьрера амай гъилин ктабра гьатнава.

Алим ва шаир Мегьамед-Шериф (XlX acup) Ахцегьа дидедиз хьана. Ам тIвар-ван авай алим ва шаир Ахцегь Мирза Алидин стхадин хва я. Ахцегь Мегьамед-Шериф пуд чIалал ( лезги, араб ва туьрк ) шиирар теснифзавай шаир хьана. Адан эсерар Дагъустандин алимрин ва эдебиятдал рикI алайбурун арада чкIана.

Алим ва шаир Саид-эфенди (XlX acup) Къачмаз шегьерда дидедиз хьана. Бажарагълу жегьилди жуьреба-жуьре медресайра диндин ва тIебии илимар, РагъэкъечIдай патан чIалар чирна. Эдебиятдин эсерар Саид-эфендиди лезги, араб ва туьрк чIаларал теснифна.

Зари Лезги Хва XIX асирдин сифте кьилера Къуба магьалдин Межидли хуьре дидедиз хьана. Вичин девирдиз талукь савад авай ва гзаф чIалар чидай инсан яз, ада манияр лезги, эрмени ва туьрк чIаларал теснифна. Ашукь гзаф йисара Александрополь шегьерда яшамиш хьана.

ЧIехи алим ва шаир Алкьвадар Гьасан 1834-йисуз Авар округдин Балакани хуьре дидедиз хьана. Ина адан буба Алкьвадар Абдуллагь-эфенди, Куьредай вичин муаллим Ярагъ Мегьамедахъ галаз атана, яшамиш жезвай.

Зари Фейзуллагьан хва Рамазан (XlX acup) Самур округдин Лгар хуьре дидедиз хьана. Ада хайи хуьруьн ва Ахцегьрин медресайра кIелна, илимар ва РагъэкъечIдай патан чIалар чирна. Лгави Рамазан шаирвилин рекьяй Мирзе Алидин ва Алкьвадар Гьасанан дережада авай.