Женгчи шаир Нуредин Шерифов Къусар райондин ГуьндуьзкIеле хуьре 1883- йисуз зегьметчи хзанда дидедиз хьана. Шерифова, 1905-йисалай башламишна, революциядин кIвалахда иштиракна, 1919-йисуз ам Коммунистрин партиядиз гьахьна.
Зари Абдулкъадир Алкадарский I885-йисуз Куьре округдин Алкьвадар хуьре дидедиз хьана.
Лезгийрин сад лагьай публицист ва зари-гьикаятчи Ражаб Амирханов I887-йисуз Ахцегьа дидедиз хьана. Кьве йисан урус школа куьтягьна, ам Бакудиз фена, фялейрин зегьметдик ва инкъи-лабдин гьерекатрик экечIна.
Шаир ва ашукь Шиназ Гьезерчи (Гьажиев Гьезерчи Серкеро-вич) I890-йисуз Рутул магьалдин Шиназ хуьре дидедиз хьана. Хуьруьн медреса, Буйнакск шегьерда муаллимвилин курсар куьтягьна, ада гзаф йисара Шиназрин мектебда кIвалахна.
Машгьур шаир Хуьруьг Тагьир (Алимов) Ахцегь райондин Хуьруьгрин хуьре 1893-йисуз дидедиз хьана. Адан буба Алим яшайишдин дар шартIар себеб яз хзанарни галаз Азербайжан патахъ рекье гьатна. Ана, Нуха шегьерда, Тагьира кьве класс куьтягьна.
Шаир, драматург ва художник Шагьдагъви Малик (Гъаниев Малик) I896-йисуз Самур округдин Ахцегь хуьре дидедиз хьана. Хуьруьн мектеб куьтягьна, ам Бакудиз фена. Ина Малика инкъилабдин гьерекатра иштиракна, "Азербажандин кесибар" газетда кIвалахна.
ЧIехи алим ва зари Гьажиев Мегьамед Мегьамедович I897-йисан 10-декабрдиз Куьре округдин Мегьарамдхуьре, агьваллу ва савадлу хзанда, дидедиз хьана.