Зарияр

Зари Къафланов Зульфикъар Шихнесирович (Зульфикъар) 1957-йисуз Докъузпара райондин Миграгъ хуьре шаирдин хзанда дидедиз хьана. Ада хайи хуьруьн юкьван мектеб ва Москвада Литературадин институт куьтягьна. Жуьреба-жуьре идарайра, РД-дин писателрин союзда кlвалахна.

Зари ва публицист Къенберов Усман Хелилович I957-йисуз Докъ¬узпара райондин Миграгъ-Къазмаяр хуьре дидедиз хьана. Ада Миг¬рагърин юкьван мектеб ва Москвада Литературадин институт куь¬тягьна. Гзаф йисара "Кард" журналдин редакцияда кIвалахна.

Стальская Лидия Мирзеюсуфовна 1957-йисуз Агъа СтIалдал дидедиз хьана. Ада юкьван школа ва Дагъустандин университетдин филологический факультет куьтягьна. Гзаф йисара Агъа СтIалдал вичин чIехи бубадин, Сулейманан, музейдин директорвиле кIвалахзава.

Агьмедпашаева Саират 1958-йисуз С. Сулейманан райондин Кьулан СтIал хуьре дидедиз хьана. Ада хуьруьн мектеб куьтягьна ва "Куьредин ярар" газетдин редакцияда кIвалахна.

Зари Бабахан (Бабаханов Майрудин Бабаханович) 1958-йисан 20-октябрдиз Сулейманан райондин Пипер хуьре дидедиз хьана. Ада Самур хуьруьн юкьван мектеб ва Дагъустандин университетдин филологиядин факультет куьтягьна.

Зари ва журналист Кьасумов Хазран 1958-йисан 17-мартдиз С.Сулейманан райондин Ялцугъ хуьре дидедиз хьана. Хуьруьн мектеб куьтягьна, махсус образование къачуна, 1990-йисалай райондин "Халкьдин гаф" газетдин хуьруьн майишатдин отделдин зеведиш я.

Оружев Фехреддин 1958-йисуз КцIар райондин Ширвановка хуьре дидедиз хьана. Ада юкьван школа ва 1981-йисуз Ленинграддин университетдин химиядин факультет яру дипломдалди куьтягьна. Гзаф йисара Азербайжандин ва Дагъустандин хуьреринни шегьеррин школайра кIвалахна.