Зарияр

Драматург ва журналист Багъиш Маллаевич Багъишев I929-йисуз Докъузпара райондин Усугъчай хуьре дидедиз хьана. Ада Усугъчайдин ирид йисан ва Филерин юкьван мектебар, партийный школа куьтягьна.

Машгьур писатель ва таржумачи Гьажиев Межид Жирасович 1929-йисан 14-декабрдиз Докъузпара райондин Къуруш хуьре дидедиз хьана. Ада хуьруьн мектеб, Каспийск шегьердин пешекар училище ва Москвада М. Горькийдин тIварунихъ галай Литературадин институт куьтягьна.

Шаир Рамазанов Къадир Наврузович 1929-йисан 16 - майдиз Докъузпара райондин Филер хуьре дидедиз хьана. Ада хайи хуьруьн мектеб, Дагьустандин СтIал Сулейманан тIварунихъ галай пединститут ва Краснодар дин культурадин институт куьтягьна.

Дагъустандин халкьдин шаир Салимов Байрам Наврузбегович 1929-йисан 5-майдиз АР-дин КцIар райондин Стlyp хуьре дидедиз хьана. Ада хуьруьн мектеб ва военный училище куьтягьна, Дагъустандин университетда кIелна.

Зари Мегьамед Агъа (Мамедов Мегьамед Агъаевич) 1930-йисан 9-апрелдиз КIцар райондин Эвежугъ хуьре дидедиз хьана.
Ада юкьван мектеб ва 1953-йисуз Азербайжандин пединститут куьтягьна, гзаф йисара хайи хуьре муаллимвиле кIвалахзава.

ТIвар-ван авай писатель, драматург ва публицист Магьмудов Абдулбари Агьмедович 1930-йисан 13- февралдиз Кьурагь райондин Агъа Макьар хуьре дидедиз хьана. Ада хуьруьн мектеб ва Дагъустандин пединститут куьтягьна.

ТIвар-ван авай композитор ва шаир Асеф Мегьман (Абдуллаев Асеф Мегьманович) 1930-йисан 18-апрелдиз КцIар райондин ЭчIехуьре дидедиз хьана. Ада хайи хуьруьн мектеб ва Дербентдин педучилище куьтягьна. Азербайжандин мектебра муаллимвал авуна.