Фаталиев Кьасум Оружевич I923-йисан 23-ноябрдиз Докъуз¬пара райондин Къуруш хуьре дидедиз хьана. Хуьруьн мектеб ва Дербентдин педучилище куьтягьна, ада 50 йисалай гзаф вахтунда аялриз чирвилер ва тербия гана.
Фетягьов Къафкъаз I923-йисуз Самур округдин Миграгъ хуь-ре дидедиз хьана. Ада Миграгьрин юкьван мектебда кIелна, хуь-руьн избачдин зеведишвиле кIвалахна. Яратмишунрал рикI алай жегьилди халкьдин мецин эсерар кIватI хъувуна, клубдин сегьнеда тамашаяр эцигна, кьилин ролар тамамарна.
ЧIехи алим ва писатель Агъаев Агьед Гьажимурадович I924-йисан 22-мартдиз Ахцегьа дидедиз хьана. Хуьруьн мектеб, Сара-товдин ва Москвадин высший партийный школаяр куьтягьна, ада гзаф йисара Дагъустандин партиядин обкомда ва университетда философиядин кафедрадин зеведишвиле кIвалахна.
Зари ва алим Асланов Имам Исламович I924-йисан I0-январдиз Ахцегь райондин Усур хуьре дидедиз хьана. Ада агалкьунралди Ахцегьрин мектеб, Дербентдин педучилище, Дагъустандин педин¬ститут ва Москвада аспирантура куьтягьна.
Писатель Къазиев Искендер Аликберович 1924-йисуз Ахцегь райондин Чепер хуьре дидедиз хьана. Ам Ватандин ЧIехи дяведин иштиракчи я. 60-70-йисара Лезги радиодин ва "Дуствал" аль-манахдин редактор хьана.
СтIал Мислимат (Агьмедпашаева Мислимат Тагьировна) 1924-йисуз СтIал Сулейманан райондин Кьулан СтIал хуьре дидедиз хьана.
Зари Гелхен Мухтар (Рамазанов Мухтар) I924-йисуз Куьре округдин Гелхен хуьре дидедиз хьана. Хуьруьн мектеб, Дагъустан-дин партийный школа ва пединститут куьтягьна, ада гзаф йисара райондин идарайра ва мектебра кIвалахна. I954-I956-йисара Кьу-рагь райондин газетдин редактор хьана.