Азиз Алем

Машгьур шаир, критик ва публипист Азиз Алем (Фатуллаев Азиз Шихбинетович) 1938-йисан 19-февралдиз Баку шегьерда дидедиз хьана. Буба Ватандин ЧIехи дяведиз фейила, хзан хуьруьз хтана: Азизан аял вахтар Докъузпара райондин Мискискарин хуьре акъатна. ТIебии алакьунар авай гадади агалкьунралди Усугъчайдин юкьван школа куьтягьна, Дагъустандин университетдин филологиядин факультетда кIелна ва Москвада Литературадин институт акьалтIарна. Ада гзаф йисара Магьачкъалада лезги газетдин ва журналдин редакцийра кIвалахна ва жавабдар везифаяр: "Коммунист" газетдин культурадин отделдин зеведишвал, "Самур" журналдин редакторвал ва Дагъустандин писателрин союздин литературадин журналрин кьилин редакторвал тамамарна.
Литературадин эсерар теснифунал ва критикадин макъалаяр кхьинал А. Алем гьеле школада амаз машгъул хьана. Адан сифте шиирар 50-йисарин юкьвара печатдиз акъатна. Алай вахтунда шаир вишералди шиирин, цlудралди поэмайрин, балладайрин, сонетрин, махарин, баснийрин автор я.
Кlелзавайдав заридин цIудалай виниз ктабар агакьнава: "Алмасдин Klycap" (1I963) "Лацу лифер" (1967), "Са къужах нурар"(1970), "Гьуьлуьн зенгер"(1975), "Мидаим легьзе" (1982), "Лекьрен гвен"(1987), "Крчар алай лам" (1992) ва мсб. А. Алема лезги шиират цIийи жанрайралди, везинралди ва фикирралди девлетлу авуна, милли литература вилик тухуник еке пай кутуна.

Акимов Къ. Х. «Лезги зарияр»

Азиз Алеман шиирар