Зари ва журналист Ибрагьимов Нариман Меликович 1951-йисан 10-октябрдиз Кьурагь райондин Хпеж хуьре дидедиз хьана. Ада хуьруьн мектеб ва Дагъустандин университетдин филологиядин факультет куьтягьна. Гзаф йисара "Лезги газетдин" редакцияда кlвалазава.
Шаир ва журналист Абидин Камилов 1951- йисан 20-мартдиз СтIал Сулейманан раиондин Асалдхуьре дидедиз хьана. Ада Шихидхуьруьн юкьван школа куьтягьна, армиядин жергейра къуллугъна, Туркеминистанда фялевал авуна.
Шаир, гьикаятчи ва публицист Нагъиев Фейзудин Рамазанович 1951-йисан 15-февралдиз СтIал Сулеманан райондин Агъа СтIал хуьре дидедиз хьана. Ада юкьван мектеб, Одессадин эцигунардай инженеррин институт, М. Горькийдин тIварунихъ галай Литературадин институт куьтягьна.
Шабатов Шагьабудин 1951-йисан 4-февралдиз СтIал Сулеманан райондин Агъа Макьар хуьре дидедиз хьана. Ада Цlийи Макьарин юкьван школа ва Азовдин хуьруьн майишатдин институт куьтягьна. Гзаф йисара хайи "Зардиян" совхозда инженервиле кIвалахна.
Арзуманов Медет Судябегович 1951-йисуз КIцар райондин Манкъулидхуьре дидедиз хьана. Ада хуьруьн юкьван мектеб куьтягьна, жуьреба-жуьре майишатра кlвалахзава.
Эфендиев Ярмет Яверович I95I-йисан I0-июлдиз КцIар шегьер-да дидедиз хьана. Агалкьунралди юкьван школа ва политехничес¬кий институт куьтягьна, ада гзаф йисара Магьачкъаладин заводра, «Дагсвязь» идарада инженервиле ва кьилин инженервиле кIвалахна.
Хасиев Гьасан Азизбалаевич 1952-йисуз КцIар райондин Зинданмуругъ хуьре дидедиз хьана. Ада юкьван школа, хуьруьн майишатдин институт ва Азербайжандин журналистрин институт (1977) куьтягьна. Гзаф йисара совхозда фялевал ва маларин духтурвал авуна.