Зарияр

Зари Агьмедов Камалдин Агьмедович I946-йисан 5-ноябрдиз Кьурагь райондин Хпуькь хуьре дидедиз хьана. Ада ирид йисан мектеб, Дербентдин педучилище ва Дагъустандин университетдин филологиядин факультет куьтягьна. Гзаф йисара хайи хуьре муал-лимвиле, мектебдин директорвиле кГвалахна.

Алимов Максим Тагьирович 1946-йисуз Ахцегь райондин Хуьруьг хуьре Дагъустандин халкьдин шаир X. Тагьиран хзанда дидедиз хьана.

Байрамалиев Жамал Сиражович I946 -йисан I7- майдиз Ахцегь райондин Йигул хуьре дидедиз хьана. Юкьван школа куьтягьна, ада Дагъустандин университетда кклна, хайи хуьре муаллимвал авуна, "ЦIийи дуьнья" газетдин редакцияда кГвалахна, гзаф йисара Магьачкъалада эцигунрал зегьмет чIугуна.

Акимова Зуьгьре Акимовна I947-йисуз Мегьарамдхуьруьн рай-ондин Къуйсун хуьре дидедиз хьана. Буба -диде къакъатай руша етимханайра тербия къачуна, Буйнакскдин педучилище куьтягьна, и шегьерда хзан кутуна, гзаф йисара культурадин идарайра кГвалахзава.

Шаир, гьикаятчи ва драматург Исмаилов Абдуселим Абумислимович 1947-йисуз С. Сулейманан райондин КIеле хуьре дидедиз хьана. Ада Уружбадин юкьван школа ва Дагъустандин университет куьтягьна, мектебда, лезги радиодин ва "Коммунист" газетдин редакцийра кIвалахна.

Зари Шихнабиев Нажмудин Кьадиевич 1947-йисуз СтIал Сулейманан райондин Шихидхуьре дидедиз хьана. Ада хуьруьн мектеб ва Дагъустандин университет куьтягьна. Гзаф йисара муаллимвиле кГвалахзава. Алай вахтунда Шихидхуьруьн юкьван мектебдин директордин заместитель я.

Герейханов Алмас (Ахцегьви Алмас) I948-йисан 29-февралдиз Ахцегь хуьре дидедиз хьана Ада юкьван мектеб ва Дагъустандин пединститут куьтягьна. Гзаф йисара Дагъустандин политехничес¬кий колледжда кIвалахзава.