Луту угъридиз амадаг,
ХупI кьадачни чеб сад садаг,
Къалин хьайла ламар рамаг,
БалкIандиз чара амай туш.
Амал течир ахмакь балкIан,
Ламра буьгьтанламишда кьван,
Пар чIугвазвай язух гьайван,
Ви ашдал къара алай туш.
Гатуз рекье жеда векьин,
Зулуз кIунтIар, марквар кIватIин,
ХъуьтIуьз дагъдай векьер хкин,
Ви кардал барка алай туш.
И балкIан хьиз я бязибур,
Угърашри ийиз беябур,
КIвалах, зегьмет туш акI агъур,
Дуьньяда куьз гьахъ авай туш.
Рубрика
Добавить комментарий