Атанва зун мад ви патав ,Каспи гьуьл
Са гаф лагь заз, ахъая на зи гуьгьуьл
МичIи я къе зун паталди чилни цав
Минет хьурай, са тIимил кьван рахух зав
Белки ятIа зи тIалариз шерик вун
Аквазва заз къе гьа зун хьиз гъерик вун?
Белки вунни галатнава гъам чIугваз
Винел кьванни акъуд тийиз къене тваз ?
Вучиз икьван секин я ви лепеяр
Къацу я хьи кьуд пад кьуна тепеяр
Белки ама ви руьгьдани хъутьтIуьн къай
Гьатнавач жал ви лепейра яран цIай?
Ви яхадиз къвезава зун , хайи гьуьл
Чуькьудайла виш хиялди кьуна кьил
Акъвазна гьа ви деринриз килигиз
Дердерикай ваз манияр гилитIиз…
Рубрика
Добавить комментарий