Вил галамаз..

Шумуд югъ я дидедин вил рекъелла
Яргъаравай гада  хтун гуьзетиз.
Начагъвили ам  кьунава , меселла,
Яд гатIана къуразавай булах хьиз.

Мукьва –кьили  кватI хьанава  къе ина ,
Къалабулух  гала кIвалин гьавадихъ.
Ава амма диде тек са дердина,
Дарих я ам вичин  азиз баладихъ .

«Якъин авач хабар  хциз  гьалдикай !»-
Адаз туьнбуьгь  кьабулзавач дидеди.
Фагьум  тийиз чанда  авай талдикай
Хцин далу  чилив гузвач    дидеди.

Белки  рекъер   кIеви хьана физ  азаб
Завай  куьмек лазим ятIа   баладиз?
Белки ама   машин хана  ам яраб,
Тади галаз рикI хурудай акъатиз?

Легьзеярни   залан я къе йисар хьиз,
Алахънава саки  са кас ч1авар  къаз.
Акъвазна рик1...диде  физва  ахвар хьиз
Дуьнядилай баладихъ вил галамаз
   
…Пуд вацралай  хва хтанвай элифиз,
Акъвазнавай   къариб суруз килигиз,
Чан аламаз къадир тахьай дидедиз
Гьазур хьанвай  къизил гьуьмбет эцигиз…