Гьайиф, гьайиф а гьиссерин...

Са шегьерда   авазва чун,
Са садакай тушиз хабар … 
АкуртIа бес  яраб заз вун 
Сагъ жеда жал   рикIин къабар?  

Йисари   зун  къакъудна   хьи,
КIанидавай  ,ганач аман…
Чаравилин  азаб чIехи ,
Низ чидай  тир икьван  яман!

Лугьуз хьанач завай са гаф,
Гьайиф ,гьайиф а гьиссерин!
Акьван михьи ,акьванни саф,
Гьуьлерилай   мана дерин.

КIанивал  ваз  зи вилерай 
Акуначни виридаз хьиз?
Амачирвал  ругьдиз  кьарай
РикIяй рикIиз  чарар кхьиз?

Акъатдани гьич хиялрай
А бахтавар йикъар, йисар?
Такур чIавуз вун экуьнлай
Вири алем  жедай  хьи  сар .
                                                                  
Акъваз мийир  акьван  яргъал
Къалур хъия ашкъидин дад
Ша зи ругьдиз хьухь вун мукьвал
Вун бахтавар хьун я мурад!