Жузунач на кьенани вун, амани ,
Гьижрандин цIу алугнани, канани,
Ашкъи икьван ужуз маса ганани,
Гьич садрани хьаначни бес цIигел вун?
КIанивилин дад элкъуьрна зегьердиз,
Хвешивилин накъвар фена къегьердиз,
Рехъ акахьна атайтIа чи шегьердиз
Яраб вуна хкидатIа рикIел зун?
Амалнач на кьинеризни гафариз,
Къай кутуна зи чандик на гатфариз,
Давамзава кьисметди икI авхариз
Амукьайди заз са тIал я, са лугьун…
Рубрика
Добавить комментарий