Уьмуьр

Зун ацукьнавай тарцин к1ане тек,
Экуьн кьилелай михьи гьава нез.
Гьа и арада атана са пехъ,
Башламишна зи винелай элкъвез.
Килигайт1а зун а тарцин кук1ва,
Зал элкъвезвай а пехърен муг авай.
Хкаж жезвай са кац тарциз зурба,
Мукув агакьиз т1имил кьван амай.
Зун акьуна геж гъавурда адан,
Куьмека лугьуз алахънавай зал.
За къачуна са гъиле гьатай къван,
Ягъна тарцевай ч1улав кацин къвал.
Тарпна кац чилел аватна тарцяй,
Пехъре лув гана, рази яз залай.
Лагьайди хьиз заз чухсагъул рик1яй,
Кьун хъувуна хел вичин муг алай.