Далудихъай гьужумайла душманди,
КичIе жемир, на адаз рей гуз тахьуй.
Раг хьиз акъваз ядай чIавуз тIурфанди,
Селди къерех гатайла кIус-кIус тахьуй!
ВацIун къванер пехъи хьанва цIаяр гъиз,
Чешне хьуй ваз - са вил вегь кван яргъариз:
Гьуьлуьн лепе галукьайла дагълар хьиз,
Мадни четин тушни уьтквем чархариз!
ЦIайлапандин хаталу кIаш туькIуьрна
Пехъи я гьуьл а чархариз «экъуьгъиз».
Гагь-гагь абур чиргъеризни элкъуьрна,
Амма хьанач садра кьванни муьтIуьгъиз.
Рубрика
Добавить комментарий