Ругъунар гъиз фейи рушар
Къачагъари кьунавалда.
Цуькведилай михьи Саяд,
Ви тIвар хуьре тунавалда.
На кIвачериз шалар ягъа,
БатIрачар ваз за храда,
КIвачел шалар алай къелем,
Ви къайгъу бес ни чIугвада?
Къе хармандал къуьлер ала,
Япунжидик акъудай йиф.
Чан ширин я, азиз вахар,
ЧIур хьанавай уьмуьр гьайиф.
РикI алай яр, заз хьанайтIа,
Гьич ви кефи хадай жал за?
И дуьньядин азиятар
Ерли рикIив кьадай жал за?
Рубрика
Добавить комментарий