Гъавурдвай инсанриз
Чlехи нямет я садвал.
Садвал авай хзанриз
Даим къисмет я шадвал.
Садвал авай кlваликай
Фадмаз жеда вилаят.
Садвал авай хуьруькай
Жеда чlехи мемлекат.
Садвал авай шегьерди
Кlватlда кьилел хуьр-уба.
Туькlуьрна зурба уьлкве,
Жеда вич адаз буба.
Садвал хуьз тахьай хзан
Зулун пешер я зурзар;
Акьурвалди кьезил гар,
Хьана фида таримар.
1915
Рубрика
Добавить комментарий