Агь, мазарат, гьикI гъана и хабар на,
Келледиз къан, мецез яна къабар на,
Я залум хан, къалур ийиз зарбар на,
Ашукьди вуч къан авуна кьада ваз.
Бубадин рикI цIрадайди чида заз,
Дидеди хур гатадайди чида заз,
Ярди кифер чухвадайди чида заз,
Панагь хьанач залум фелек-худа ваз.
Ван хьайила, дагъдин свалар лал хьана,
Алван цуьквед винел чIулав хал хьана,
Къацу векьер кьурана кьал-кьал хьана,
Эгьмедаз пис кьуьд атана гад амаз.
Ашукь фида, чуьнгуьр тада аманат,
Лагьай гафар мецери гуз риваят,
Саидан кар кьамир дуьшуьш, аламат,
Чилин винел я хан, я бег – сад амаз.
Рубрика
Добавить комментарий