Лезгийрин сад лагьай драматург, режиссер ва артист Идрис Шамхалов I880-йисуз Ахцегьа дидедиз хьана. Хайи хуьруьн медреса, Бакудин мектеб куьтягьна, са шумуд чIалал савадлу хьанвай ва дуьньядикай хабар авай жегьил вичин хсуси эсерар теснифунал машгъул хьана: ада I906-йисуз Ахцегьа гьевескарар галаз жемятдиз сифте яз сегьнедилай вичи кхьенвай тамаша "Буржали"къалурна. ИкI Шамхалов Идриса лезгийрин милли театрдин бине кутуна. Бажарагълу драматург Идрис Шамхалова мад са шумуд пьеса кхьена: "Периханум", "Кавказдин дяве", "Куругъли" ва мсб. "Пе-риханум" драма Лезги театрдин сегьнедилай датIана къалуриз 90 йис хьанва. И. Шамхалова вичин халкь медени хьуник чIехи пай кутуна. Адан тIвар Ахцегьрин халкьдин театрдал эцигнава. И. Шамхалов 1944-йисуз хайи хуьре кечмиш хьана.
Акимов Къ. Х. «Лезги зарияр»
Добавить комментарий