Са югъ таквар вучда вакай
БарбатI хьанва экуь дуьнья.
Марф акьуна ктIай цил хьиз
КьатI-кьатI хьанва экуь дуьнья.
И вав гвайди гьич инсаф туш
Даим кьилел алай байкъуш.
Намуслуди амачир, буш
Са затI хьанва экуь дуьнья.
Бязибуруз я вун иер.
Ви мана гьа им ян мегер?!
Кесиб халкьдин хъукъуз жигер,
ЖаллатI хьанва экуь дуьнья.
Абдуллагьан акъудмир рикI
Жаза гумир адаз на икI!
Девлетлуйриз битмишай ник –
Суьрсет хьанва экуь дуьнья.
Рубрика
Добавить комментарий