Хидиров Фикрет Алибубадин хва 1952 - йисуз Азербайжан республикадин КцIар райондин Кириг хуьре дидедиз хьана. 1967 - йисуз КцIар шегьердин интернат мектеб акьалтIарайдалай кьулухъ ам Бакудин Политехник Техникумдик экечIна. Анаг акьалтIарна Дербент шегьердиз куьч хьана ва "Радиоэлемент" заводда кIвалахна. Алай вахтунда ам и шегьерда яшамиш жезва. Шиирар кхьиз Ф. Хидиров мектебда кIелзавай йисарилай эгечIна. 1974 - йисалай КцIар шегьерда кардик квай "РикIин гаф" тIвар алай эдебиятдин к1ват1алдик экечIай Фикрет Хидирован шиирар "Къизил Къусар", "Лезги газет", «Самур» газетриз, "Дуствал", "Литературадин Дагъустан", "Бахтавар чил" кIватIалра, "Чирагъ" журналдиз ва маса чапдин органриз акъатна. Шаирдин сад лагьай, "Зи багьа чил" тIвар алай ктаб 2003 - йисуз Дербентда чап хьана. 2008 - йисуз "Авахь, Самур!" , 2011 - йисуз "Мугьманда " ктаб Магьачкъалада басма хьана.
Добавить комментарий