Хпеж Къурбан

Зари Къурбан 1852-йисуз Куьре округдин Хпеж хуьре дидедиз хьана. Араб, туьрк ва лезги чIаларал савадлу жегьилди шиирар теснифиз ва чуьнгуьрдихъ галаз манияр лугьуз башламишна. Ам яваш-яваш лезги хуьрера машгьур хьана. X. Къурбанан шиирар чпин мана-метлебдин жигьетдай са шумуд чкадал пай жезва: диндикай теснифнавайбур ("Ажалдиз", "Пайгъамбардин кьиникьиз", "Шалбуз дать", "Шейх Рамазан-эфенди", "Я Эренлер" ва мсб. ), яшайишдикай теснифнавайбур ("Дуьньядиз", "Фана дуьнья", "Инсан ва дуьнья", "Душман дуьнья", "Гуьгьуьлдиз" ва мсб. ), кьилди инсанриз бахшнавайбур ("Дустариз чIалар", "Агъалар хандиз", "Уста Тагьир" ва мсб. ). Хпеж Къурбан 1944-йисуз буьгьтендик акатна, дустагъда туна ва гьана кьена. Советрин девирда X. Къурбанан чIалар печатдиз акъудун къадагъа тир, ихьтин къарардин себебни ам гуя "девлетлуйрин патал алай шаир" хьун тир. Хпеж Къурбанан уьмуьрдин ва яратмишунрин рехъ сифте яз Нариман Ибрагьимова ахтармишна, 1994-йисуз шаирдин эсеррин кIватIал печатдай акъудна.

Акимов Къ. Х. «Лезги зарияр»