А

А факъир азарлу я, хамара гьакьзамач.
Авадан хуьр гумадлай чир жеда.
Авайла вилер яру жеда, авачирла — чин.
Авайдалай элкъуьмир, авачнрдахъ гелкъуьмнр,
Авайвал лагьайла, сив патахъ жеда.
Авайвал лагьайдаи бармакдин патар хкатда.
Авачир чан азраилдизни жегъидач.
Авачирдакай гъуцарни бизар я.
Агъдин са кьил лацу, са кьил чIулав жедач.
Агъадин мал фида, муздурдин чан.
Адав кIекеризни ван тахьай хабарар жеда.
Адаз кьерел кьейн лам кIанда, хам хутIундайвал.
Адаз вич кьаткай кьеб бегенмишзамач,
Адаз вичин далдамдин гъиляй, масадан зуьриедин ванн къвезвач.
Адаз алад-хъша, гьач-вач лагь.
Адаз къуншид къавалай кицI элуькьайди хьиз хьана.
Адаз, дидедин, бубадин къадир авани, масадан къадир жеривал.
Адахъ буй ава, акьул авач.
Адав сивни гва, сивни ква.
Адан тIвар кицIин дафтардани авач.
Адай вакIан кьилни акъатдач.
Адан гънляй кицIи фунн къачудач.
Адахъ амайди са суй я. Ада я гъайид авач, я тухурди.
Адан хпер суьруьда ваъ, кенледа ава.
Адан сивик рак квайди туш.
Адан мецикай гирванкаяр куьрснава.
Адан бални кIаидач, я балани.
Адан чиниз са рипе цуькI вигьейтIани квахьда.
Адахъ авачир хъуьрен карчни авач.
Адавай хъуьтIуьз муркни жагъидайди туш.
Адавай иливриз хьанач, вилерай хтана.
Адан чин садра хайила чуьхвейди я, садрани кьейила.
Адахъ далу акала, вахъ ваъ.
Ажал агакьай кицIи иесидин шаламар жакьвада.
Ажал агакьай кьифериз, кацивай паспорт кIан жеда.
Ажалдиз авач мажал.
Ажуз ламрал кьвед акьахда.
Ажуз ламра пуд рипе, йигин шиврел прун гьебе.
Ажал агакьай кицIи къув яда.
Ажал агакьай вечре уь-уь ягъда.
Ажал кIанзаватIа вегь чархалай.
Азаб такурдаз регьятвилин къадир чир жедач.
Азраил чандин, мирес малдин къайгъудик жеда.
Айиб квачир гуьзел жедач.
Аквар ризкьидилай такварди гзаф я.
Акунар алай кIелед гапур.
Акунар халидин, дад бурандин.
Акурди акунач, хьайиди хьанач лугьун—чандин саламатвал я.
Акьул маса къачуз жедай затI туш.
Акьул-хьанайтIа, делидазни кIандай.
Акьул бармакда ваъ, кьиле жеда.
Акьул яшдиз килигна жедач, кьиле- жеда.
Акьулсуз дустунилай, акьуллу душман хъсан я.
Акьулдикай зарал, дел ид акай- хийир жедач.
Акьулни гуж стхаяр я.
Акьул тIимил, гуж пара.
Акьул балугъ тахьаимаз мехъерар ийимир.
Акьуллу хва бубадикай чара жедач.
Акьул кьиле, къуават рикIе хьайитIа, кIвачер галатдач.
Акьул кIанзаватIа кIела.
Абур са къапунай чак хъвайибур я.
АкIа марф къвазва хьи, на лугьуда цавун кIан хкатнава, кIантIа марф кьуна цавуз экъечIа.
Акурдаз акуна, такурдазни ахквада.
Аллагь патал каци кьифни рекьидач.
Аллагь регьимлу тиртIа, кесибдизни са югъ аквадай.
Аллагьдал вегьей яц, жанавурди тIуьна.
Аллагьди гайиди вун хьтинди, вуна гайиди зун хьтинди жеда.
Аллагьдиз шем туш, женнетдиз чирагъ.
Аламаз чехир хъвадайди кьведра пиян жеда.
Алад, кIваляй хъша.
Алид бармак Велид кьилел, Велид бармак Алид кьилел
Алим хьунухь регьят я, итим хьунухь четин.
Алакь тнйидай кар гъиле кьамир.
Алачир кIуфай иви къведа.
Алчахвилелди амукьдалди, игитвилелди кьиникь хъсан я.
Алакь тийир кардик экечIмир.
Аллагьди гайила пайгьамбардин тум кьуна цлахъ гелягь.
Аллагьди гана, аллагьдини хутахна.
Аллагь Керим я, Керимазни зун буржлу я.
Аллагьдиз капI ийизвайдини гуьлле галукьайла къарагъдач.
Аллагьди яргьазрай хъутуьл рахардакай.
Ам вавай ягъиз жедай зуьрне туш.
Ам гьуьлуьз аватайди хьиз квахьна.
Ам акьулдилай гуж, пара авай кас я.
Ам тара авай пIир хьиз рахазва.
Ам кака галай верч хьиз ава.
Ам кьефесдай акъатай нуькI хьиз ава.
Ам са юкъуз сагъ я, вад юкъуз начагъ.
Ам рухунал аватна саникни кумач.
Ам чилеркай фидайди я.
Ам буюрмишдалди вак буюрмишун хъсан я.
Ам тIимил кIелна гзаф чидайди я.
Ам цла туькIуьн тийидай къван я.
Ам итим авачир чкада итим я.
Ам валай алакьич: вучатIани са кар ава.
Ам ви афардин як туш.
Амалдалди атайди, гьарайдалди хъфена.
Аманатдиз хаинтвал ийимир.
Амукьай ашдиз чIалар чир жеда.
Ам вичин ажалди рекьидач.
Ам яна кьейидан гарданда къан авач.
Ам экв тагур чирагь я.
Ам са гъиле цIай, са гъиле нафт авайди я.
Ам я кьейинал герек авач, я хайинал.
Ам сиве тIуб туртIа кIасдайдн туш.
Ам вичиз чирдалай артух йидайди туш.
Ам гьавадава, верч тавада.
Ам гагь заз, гагь ваз я.
Ам хийнрдикай хкечIиз, шириник экечIда.
Ам сад гуз вад къачудайбурукай я.
Ам раб гуз риб къачудайбурукай я.
Ам чандал азаб акъулдиз кIанид туш.
Ам восьмерка хьанвай велосипед хьтинди я.
Ам къуьнерал тухвана, гъилерал сура твадайбурукай я.
Ам жерн межлис чIур жеда.
Ам некIеди кана, тугъвадиз уф гудайбурукай я.
Амалдар жанавур кьве патахъай къведа.
Арабадал къуьрер кьаз жеч.
Арифдаз ишара бес я.
Аранда вак кьейила, дагъда мал шехьда.
Афнидин тагъуниз кьуьл гайила ам туькьуьл жеда.
АскIан дагъдизни жив къвада.
АскIандаз аллагь йикъа пуд сеферда ахварай аквада.
АтIай фу кухкIуриз жедач.
АтIудай рицI ава, хадай чIемерук.
Ахмакь ахмакьдал дуьшуьш жеда.
Ахмакьвал кьилнз бала я.
Ахмакьдахъ галаз цIуькI цана кватI хъувун четин я.
Ахпа жедай меслятдилай виликамаз жедай дяве хъсан я.
Ах авуртIа чурудал, тфу авуртIа спелрал аватда.
Ахпани кьий пакани, кIвалах гъиляй-гъилиз хьана кIанда.
Ахвар галайдаз хъуьцуьган герек къведач.
Ахмакь кицIи гъетрел хкадарда.
Ахмакь кьили кIвачерив регьятвал вугудач.
Акъваз яда, гунагь квачир малайик жеч.
Аквар гьаларай акъвазнавай вирик юзун акатнава.
Ахьтин бубадиз ихьтин хва.
Ахъа къазмадиз кицI гьахьда.
Ацукьнавай яц къарагъдалди, къарагънавай яцра рипе цан цада.
Афтафадиз некягъ авуна.
Ацукьай кIвале кьил баладик акатна.
АцIай кIатIал алай итим фад кьиляй акъатда.
АцIай кIатIал алайдан мез яргън жеда.
Ацахьзавайда цацар, куьлер кьада.
Аш акурла эгечIда, лаш акурла къекъечIда.
Аял авай кIвал базар я, авачир кIвал азар я.
Аял авачир кIвални, яд галачир регъв сад я.
Аял галай пабни кьий, кицI галай мугьманни.
Аял кьепIинамаз, дана епинамаз вердишарна кIанда.
Аялдиз вичин бубадилай зурба кас аваз чидач.
Аялди тербня чIехидавай къачуда.
Аял ракъура гуьгъуьниз чукура.
Аялди гъвечIизамаз кIелна кIанда.
Азадвилиз лиф, аял авачир кIвал гьайиф.