Арбен Къардаш

ТIвар-ван авай шаир ва таржумачи Арбен Къардаш (Къардашев Арбен Мегьединович) 1961-йисан февралдиз Докъузпара райондин Миграгъ хуьре дидедиз хьана. Ада агалкьунаралди хайи хуьруьн юкьван мектеб ва 1984-йисуз Москвада Литературадин институт куьтягьна. 1968-йисалай Дагъустандин ктабрин издательстводин редакторвиле кIвалахзава.
А. Къардашан эсерар 1976-йисалай лезги газетрринни журналрин чинриз акъатзава. Ам "Сифте цуьквер", "Ичерин багъ", "Пешеапай", "Йифен суфатар" ва "Арш" тIварар алай шиирринни поэмайрин кIватIалрин автор я. Заридин эсерар урус чIалаз элкъуьрнава ва кьилди ктабар яз ("Шехь, зи цIвелин тар" ва "Ватандин гум") акъатнава.
А. Къардаша лезги шаиррин яратмишунар урус чIалаз элкъуьрзава: 1990-йисуз Етим Эминан "Гуьгьуьл" ва 1994-йисуз СтIал Сулейманан "Малум тушир чIалар" ктабар печатдай акъудна. Сад лагьай ктабдай адаз Дагъустандин демократ жегьилрин союздин "Олимп" премия гана.
Шаир драмадин эсерар яратмишунал машгъул хьанва: "Фана багъдин гьуьруьяр" ва "Хукац-Ханум" пьесаяр Лезги театрди сегьнеламишна.
Ам РФ-дин писателрин союздин член я. 1999-йисуз Дагъустан Республикадин Гьукуматдин премиядиз лайихлу хьана.

Акимов Къ. Х. «Лезги зарияр»

Арбен Къардашан шиирар