Азиз Мирзебегов

Зари, публицист ва таржумачи Мирзебегов Азиз Абдулмирович 1959-йисан 10-ноябрдиз КцIар райондин Агъа Лакар хуьре дидедиз хьана. Ада хуьруьн мектеб ва Дагъустандин университетдин филологиядин факультет куьтягьна. АР-дин лезги мектебра кIвалахна. Алай вахтунда Дербент шегьерда "Юждаг" институтда чIаланни литературадин тарсар гузва.
А. Мирзабегован шиирар, поэмаяр, очеркар ва макъалаяр лезги газетринни журналрин чинриз акъатзава. Ам "ЦIийи Чапаев" ктабдин автор я.
Шаирди 1991-йисуз КцIар шегьерда "РикIин гаф" тIвар алай лезги литературадин газет тешкилна ва, вич адан редактор яз, са шумуд нумра акъудна.
А. Мирзебегова алатай асиррин лезги шаиррин эсерар араб, туьрк ва азербайжан чIаларай дидедин чIалаз таржума хъийизва. Хайи литературадин тарих чирзава, 1996-йисуз Алкьвадар Гьасан-эфендидин яратмишунриз талукь илимдин ктаб печатдай акъудна.
Зари Лезги ва РФ-дин писателрин союздин член я.

Акимов Къ. Х. «Лезги зарияр»

Азиз Мирзебегован шиирар