Хузра хьиз агъу квай кӏур ганач за ваз,
Виртни дуьдгъвер туна, шур ганач за ваз,
Юргъадин рагъул яд, гъур ганач за ваз,
Вуч я чанда авай и цӏай мидявал?!
Паркьул хьиз туькьуьл я вучиз а ви мез,
Гапурд хьиз зи рикIяй акъудзавай гез,
Квадарна на фагьум, йифди-югъди шез,
Вуч я чанда авай и цӏай мидявал?
Нажахди хьиз атӏуз хазва гуьгуьлар,
Лагьай хуш гафарни ийиз туькьуьлар,
Яргъазна хайибур, ийиз къегъуьлар
Вуч я чанда авай и цӏай мидявал?
Рубрика
Добавить комментарий