Цавун чиниз, ягъанвай яр,
Яраб ярдин хъуькъвер ятӏа?!
Мили хъуьруьн, седеф сарар,
Вилер руьгьдин эквер ятӏа?!
Гафар адан кIуьгьуь-верцIи,
Килигунар катран хци.
АлукIна са буьшме фичӏи,
Вич гатфарин цуьквер ятӏа?!
Гьуьл хьиз дерин, ригай вилер,
Яру пӏузар, лацу гъилер.
Чепелукь хьиз ийиз кьуьлер,
Ам ашкъидин бегьер ятӏа?!
Къелем къуна гьатна Гъуцар,
ТуькIуьрна чаз кьакьан сувар.
Гьейран хьанвай вичел цавар,
Тӏебиатдин, эсер ятӏа?!
Рубрика
Добавить комментарий