Гаф

Ахьтин гаф лагь, туьтуьдин цин дад гурай,
Сефил рикӏер хвеши хьана шад хьурай,
Фагьумни рикӏ, рекье фена сад хьурай.
Гаф гуьзгуь я, лугьузвай гьар фикирдин,
Гаф сифтени, гаф дибни я, эхирдин.

Каркам са гаф, кьакьан хьана пак жеда,
Татугай гаф, рикӏин къене хак жеда,
Квадарна мас, кицIин вилик чак жеда.
Гаф гуьзгуь я, лугьузвай гьар фикирдин,
Гаф сифтени, гаф дибни я эхирдин.

Гаф мефтӏедин, са кьатӏунрин бар жеда,
Гаф гайила кIвалах жеда, кар жеда,
Гаф элкъвена са шиирдин цӏар жеда.
Гаф гуьзгуь я, лугьузвай гьар фикирдин,
Гаф сифтени, гаф дибни я эхирдин.