Чӏехи Забит

Чӏехи Забит, атанва зун сурал ви
Ваз кхьенвай, шиирикай пай къуна
Агъзур жузун алтӏуш хьанва хурал зи
Кузва зи рикӏ ялав къуна, цӏай къуна
Чӏехи устад атанва мад сурал ви
Хайи чилин цуькверикай пай къуна
Ви шиирра мад къекъвезва хиял зи
Ви чӏехи т1вар гъуцариз за тай къуна
Абдуллагьан ракъини экв ганай ваз
Экуь рикӏе хайи халкьдин пар туна.
Ви экуь рехъ чӏехи чешне хьанай чаз
Эбеди яз чаз лезгидин тӏвар туна.