Тlигьиржал

(Зи бубайрин ватан тир ТIигьиржализ)
 

Вун кьван зурба тарих авай хуьр алатIа чилерал!?
Ашукь я зун, кьил цаварихъ галукьзавай пелерал.
Эмиралид(ин) хци къелем, гапурни я, ТIигьиржал
ЧIехи алим Яралидин — сабурни я, ТIигьиржал!

Кьакьан дагълар рам авунвай ви рухваяр лекьер я,
Иер рушар, хайи чилин атир галай цуьквер я.
Ваз кутугай экуь йикъар — пак лишан я, ТIигьиржал,
Ви накьварал шад я рикIер, гуьлуьшан я, ТIигьиржал.

Вун Энжеман хайи ватан — чи бубайрин аманат,
Рикӏин къене хуьда ви тӏвар, верцӏивал тир аламат.
Ви тарифар, ви суракьар, виринрава, Тӏигьиржал
Сур чIаварин тарихар ви деринрава, Тӏигьиржал!