Лезги чилин шагьдам

Кьве падни чил такабур²
ТIебиатдин къапандал³
Авахьзава вун, Самур,
Хер авуна ватандал.

ГьикI кьабулнатI намусди,
Ватандиз гъиз фалужар⁴?
Бубайрин чил урусди
Вал авунва ажузар⁵.

Сад я миллет, сад я чIал
Куьредани, Къубада.
Сад я азар, сад я тIал,
Лезги хуьре, убада⁶.

Халкьдин дердер мад агъур
ХайитIан ви кеменда⁷,
Шагьдам я вун, зи Самур,
Лезги чилин беденда.

_____
¹Шагьдам - аорта, главная артерия
²такабур - гордость, гордый
³къапан - весы
⁴фалуж - паралич
⁵ажузарун - ослаблять
⁶уба - село, шатер
⁷кемен - аркан, лассо