Чидач дустар рахада паб,
Булушкадкай, шалдикай.
Хабар кьадач залумди гьич,
Къе зун авай гьалдикай.
Низ чида кьван кесибдин гьал,
Рагъ алай югъ мичIи я.
Кьиф къугъвазва кандуда зи,
Ам дагъар хьиз ичIи я.
Шал канидан жибинда пул
НикIера къуьл жедачни?
Дем канидан гъилера звер
КIвачера кьуьл жедачни?
Къваз тавуна рахада паб,
Булукшадкай, шалдикай.
Хабар кьадач садани гьич
Абдул авай гьалдикай!
Рубрика
Добавить комментарий