Редакциядиз чарар ракъурзавай бязи кIелдайбуруз «масабур» ва «масадбур» гафарикай гьикI менфят къачудатIа хъсандиз чизвач. Абуру «масабур» кхьена кIанзавай чкадал «масадбур» ва я аксина кхьизва. Гьавиляй и месэладиз хъсандиз фикир гана кIанзава.
Маса гафуни лезги чIала «авайдалай, рахазвайдалай тафаватлу тир» хьтин мана гузва. Месела: маса ксар, маса йикъар, маса крар ва мсб.
Масабур «маса» прилагательнидикай арадиз атанвай существительное я. Ам инсанриз ваъ, затIариз талукь я. Месела: Рифмаяр сад хьтин ван авай гьижайрикай ибарат тир гафарикай арадал къведа: «хъсанди», «масанди»; «аватна», «акъатна» ва масабур.
Масад чи чIала существительное я. Адакай гзафвилин кьадарда гьам прилагательное, гьамни существительное арадал къвезва.
Масадбур гафуни существительное тирла никай-квекай рахазватIа абур тушир ксар ва я затIар къалурда. Месела: Адав вичи кхьей ва вичиз масадбуру ракъурнавай чарар гвай.
"САМУР" газет
Добавить комментарий