Атанва къе зун ви патав,
Геж атана лугьумир заз.
РикIин къене кузвай ялав
Жувахъ галаз гъанва за ваз!
Терез хьанач гъам алцумдай,
Багьна хьанач вав гатIумдай.
Геж я лугьуз рахкурмир зун,
КIан хьайиди са вун я, вун.
Къекъведалди сал жигъирра,
Галатна зун жагъуриз бахт.
Лугьумир заз геж атана,
Дуьз рехъ такваз, акъатна вахт.
Цифер алай кьисметдал зи,
Хъуьрезвачир ракъин нурар.
Зун гьикI къведай лагь, рикIиз ви?
Агалнавай адан варар…
Рубрика
Добавить комментарий