Чи вар, чи рикI ахъад я

6 февралдиз "АЛАМдин" редакцияда "МАРВАРдин" нубатдин межлис кьиле фена. Межлисдиз Камран Къурбаналийрин, Бажиханум Исаева, Дарвин Велибегов, Зерифе Кьасумова, Бести Нифтиева, Магьире Ширинова, Жалал Жалалов, Абир ЭчIехви, Адил Къайибханов, Имран Кичибегов, Рапия Къарибова, Эйваз Гуьлалийрин атанвай. Пара иер гьалара кьиле фейи поэзиядин межлис асул шиирдинни манидин сувар хьана. 
"АЛАМ-дин улубар” сериядихъ галаз цIийиз акъатнавай Бажиханум Исаевадин "Дамаха къелем" тIвар алай цIийи улуб автордизни сюрприз хьана. Гьавиляй къе Бажиханум бахадин эсерар пара кIелна.
Чи межлисриз гьар садавай къвез жеда. Ана чинеба са шеъ авайди туш, гьакIни политикарни. Чна вар ахъаз межлис кьиле тухузва. Вични ван алаз. Сада-садавай чирзава. Чи эсерар, гьакIни чи поэзиядин векилрин, классикрин эсерар кIелда, меслятарда. Алатай межлисда Лезги Няметан "Хкягънавай эсерар", и межлисда 

Бажиханум Исаевадин "Дамаха къелем" чи хайи литературадиз пай я. Гьелбетта чаз нубатдин межлисдизни гьа и жуьре къвез канзава. Ибур чи коллективдин зегьмет я. Гьар сад са кIвалахдикай галкIана арадал гъизва. Садазни гонарарни авач, мажибни авач. Я чаз и кардай канни ийизвач.Чна идалди чи РУЬГЬДИН тIалаб ацIурзава.
Чаз чи къайдаярни ава.Чна алачир инсанрикай, нубат авачир кьуртIи крарикай ихтилат кватайла акъвазарзава. Чун вири межлис хуьз алахъзава. Халкьдиз чавай гафар-чIалар ваъ, михьи сенят канзава. Чун са хзан я.Чаз садра илифайдаз, мад гъил хчуз кандач. Мад къведа.
* * *
Чун маса чIаларал кхьинрин акси туш. Амма ДИДЕДИН чIалал кхьин чара авачир кар я. Миллетдилай аслу тушиз кхьизвайда сифте вичи кхьизвай ЧIАЛаз хидметзава.
Зун "МАРВАР"дин 33 межлисдикай тек садав агакьнач. Нубатдин межлисда чи ПУД йис жеда. И пуд йис чаз гьам литературадин рекьяй, гьакIни чир-хчирвилин рекьяй лапни кутугна. ТIварцив чидай инсанар рикIинви хьана, сад-садан хийир-шийирдив агатна.
Зерифе, Вакъиф М., Бажиханум хьтин Лезги Няметан, Забит Ризванован мектеб, "РикIин гаф" акунвай инсанар, Дарвин Велибегов хьтин чIехи инсан и межлисрал акуна. 
Кар я, Квез чна нагьахъан крар ийизва лагьайтIа чIалахъ жемир.
Атана чкадал килига. Чи вар, чи рикI виридаз ахъа я. И межлисдал атай гьар садаз чна "Уьфуькь-С-ди" туькIуьрнавай 20I6 йисан йикъарган пишкешна.
Чи межлисдин 100 яш чун галачиз къведай сихилри авурай.
Чи чIал сагърай!

Эйваз
"АЛАМ" журнал