ЧIур хьана, яр

Къе зи кефи чIур хьана, яр.
Акьадай гаф куьз лагьана?
Зи шадвилиз кIур гана, яр.
Жуван мурад дуьз лагьанач.
Шумуд ахвар на зи хана,
Къе заз цIийи живер къвана.
Гаф гудай туш са гьакI, чIана.
Галатна зи са пад рикIин.
Экуь, нурлу рагъ тир вун заз.
Билбил авай багъ тир вун заз.
Ни лугьудай чIагъ тир вун заз!
Рахана вун алат хьана.
Гена хъсан чир хьайиди,
Вун кичIерхъан къуьр хьайиди.
Кьакьан дагъда жив къвайиди
Акуна заз, ам сир хьанач.