Вун гъиз рикIел
мукьвал-мукьвал,
Зун хиялрин ала юкьвал.
Гьайиф уьмуьр! Фена йисар,
Вакай рикIе ама кьиса.
Аламат я, ятIани икI,
Вахъ яс чIугваз, шехьда зи рикI.
На лугьуди, вун тир цав, чил,
ДатIана зи ацукьай вил.
Гила вун захъ амачтIани,
Зи къвалав вун гумачтIани,
Акьван я вун рикIиз багьа,
Зи мурадрин я вун агъа.
Шагьвар хьана, яр, ви нефес
Гатфарин заз хьана гьевес.
Гъед хьана заз, куькIвена вун,
Гьайиф, ахпа туьхвена вун.
Рубрика
Добавить комментарий