Бахтуни чин къалур тийиз.
Фена гьикьван йисар, чIавар!
Са низ ятIа девлет пайиз,
Будала тир экуь цавар.
Уьмуьрдин са юкь атIана,
Чилерал гатфар хтана.
Хиялри зун лап гатана.
Вуч патал я дуьнья ихьтин?
Цаварай за затI гуьзетнач.
Аси тахьуй, за гьуьжетдач.
Гьабурузни за минетдач.
Инсанрикай я зи фикир.
И дуьньяди гьахъ квадарна,
Табни керчек какадарна.
Са вад стIал бахт кIвадарна.
Мадарадин амал яни?
Беневшадин квахьна кфун,
Нез хъжезмач я фу, къафун.
Бахтуниз зун гьа икI акун
Завай гила эх хъжезмач.
Рубрика
Добавить комментарий