Авачир вуч аматIа вахъ,
Халкьдиз машгьур дуьнья-базар!
Пачагь хьтин гала вун чахъ,
Вак гъил хкIун я чаз азар.
Халкьдик чIуру кутуна тIул,
Гьар сад чIугваз, алвер ийиз.
Тарашчияр хьанва вуч бул,
КIватIзава на, эвер ийиз.
Вири туна чIуру рекье,
Кьилевайбур, хизан текьей,
Бес гьа имни кар хьанани?
Дуьнья-базар тIвар хьана хьи!
Заз кIандачир чкIун уьлкве,
Акьван вич тир ислягь, еке.
Базардин тIвар сиве туна,
Азабар чи хиве туна.
Рубрика
Добавить комментарий