Хъуьлуьдар

Гуьрчег я куь дагълар, рагар,
Макан я гьавадиз пайгар.
КIвахьда, валлагь, рикIикай гар,
Акур чIавуз куьн, Хъуьлуьдар.

Гьар са пата хуьз хебни мал,
Девлетлуди я авай гьал.
Шадвал кIандай, такIан тир къал,
Са халкь я куьн, чан Хъуьлуьдар.

Булахрихъ куь авай туш сан,
Ци рахуриз кул-кусни къван.
Авахьзава вацIни хъсан,
Чка я им фан, Хъуьлуьдар.

Суфрадал бул къафун, хуьрек -
Гьар са затI жагъида герек,
Инсанар я гзаф зирек,
Рахурдай гьулдан, Хъуьлуьдар.