Рехъ це!

Рехъ це, диде, кIанивилиз,
Зи муьгьуьббат сифте я.
ЧIур тежедай кIанивал хуьн
Дидейрин чи чешне я.
Рехъ це, диде, кIанивилиз,
Гьамга хьиз, ам хуьда за.
Герек туш заз имаратар,
Цуькверал чан гъида за.
Рехъ це, диде, кIанивилиз,
Ам галачиз шад жедач.
Сифте къачур кам чIурмир на,
КIанибур заз мад жедач.
Рехъ це, диде, жегьилвилиз,
Дуьньядин чун эквер я.
Зайиф тежер михьивилиз,
Женнет-багъдин цуьквер я.