Чаз бубайри ва дидейри
Дуьз тербия гайиди я.
Дидейри чун, хурук кьуна,
Ахвар хана, хвейиди я.
Чаз бубайри къалай рекьяй
Чун дуьмдаказ фейиди я.
Бес вучиз къе дегиш хьанва
Яшайишдин шикилни дад?
Зегьметдихъ къе къимет амач,
Бушди хьанва гьар са мурад.
Чи бубайри чIугур женгер,
Авур крар жедани яд?
И дуьньяда мусибатар
Югъ-къандавай жезва гзаф.
Квадарзава гьукумдарри
Адалатни, ягьни инсаф.
Ван хкведай япар амач
Рахай чIавуз са гьахълу гаф.
Рубрика
Добавить комментарий