Халкьари зун истемишна

Халкьари зун истемшина - 
Лагьай хабар araкьнa захъ. 
Гзаф артух зун саймишна, 
Заз гана лап гегьенш тир ряхъ.

Зун тIалабна гьаник кутун, 
Бахтавар къак зун акатун. 
Хьана зурбаз бахтуни гун, 
Зун лап цIийиз хьана уях.

Дербендин сечки округдиз 
Рази хьана зун хкудиз - 
Совет Союз палатадиз 
Зун дуьз тирди акуна гьахъ.

Чи халкьари зал ихтибар 
Авун - им я лап бapaбap, 
Дугьри яз кьунукь я санбар. 
Квайди туш зак зерре дамах.

И инанмишвилин къимет 
Халкьарин заз я лап гьуьрмет. 
Жагъидайд туш ихьтин девлет - 
Жувахъ кIанда къилих юмшагъ.

Вири юлдашарин теклиф 
Заз пара иер акуна. 
Зи разивал гана за квез 
Арзадални къул чIугуна.