Кесиб тир и юлдашарин
Виридан гьа чанар сагьрай!
Йикъалай - къуз мецер ширин
Акъатдай куь ванар сагърай.
Хаинарал илигна лаш,
Гьар са залум авур яваш,
Вич амачтIан Ленин юлдаш -
Гьелбетда, хзанар сагърай.
Сад хьана чун диши - эркек,
Сад садаз я къе чун куьмек.
Москов шегьердай гудай экв,
А зурба газ фанар сагърай.
Урусатдин гьар са уьлкве,
Яшамиш хьуй Максим Горки.
Чи нарком юлдашар еке,
И властдин пунар сагърай.
Акуна заз крар бязи
Лап и гевил шад xьaнa зи.
Гьукуматдал пара рази
Kecиб тир инсанар сагърай.
Нихъ аматIа куьгьне фурма,
Юлдашвилиз дуьз туш ама.
Йикъалай - къуз социализма
Акьахзавай гурар сагърай.
Рубрика
Добавить комментарий