Яшамиш хьуй Maксим Горки!
Заз еке гьуьрмет авуна.
Жезамай кьван пара еке
Лап пара рябет авуна.
Фагьум, фикир, акьул дерин.
Рахун къене мезни ширин.
За фагьумна, зи гафарин
Еке тир къимет авуна.
Дугъридан, зав рахадай гаф
Ширинвал кваз гьакьван гзаф,
Жезамай кьван пара инсаф,
Заз гьакьван мирвет авуна.
Ам ca кар заз хьана гьайиф:
Юлдашдин гьал тIимил зайиф.
Вичин патав заз теклиф,
Лап ширин суьгьбет авуна.
Кесиб юлдашарихъ галаз
Дуламмиш хьунухь я гъараз.
СтIал шаир Сулейманаз
Еке тербият авуна
I934
Рубрика
Добавить комментарий