Дербент шегьер, къадим шегьер,
Агъзур сара лигим хьайи,
Дуьньядиз вун хьана машгьур,
Нарын-къелед мягькем хвейи.
Са пад-дагълар, са падни - гьуьл,
Яшайишдин макан я вун.
Шумуд халкьдин хуьзвай гуьгьуьл,
Женнетдин багъ, бустан я вун.
Ви къеледин цларилай
Ивид гелер акваз ама.
Шумуд жуьред цIаярикай
Къе ви тарих рахазава.
Ферганадин девлет авай
Дередиз ухшар я шегьер.
Сада-садан гьуьрмет хуьзвай
Меккадиз къаншар я шегьер.
Вав гекъигдай авач гьич сад,
Девлет авай багъ я шегьер.
Агъзур йисар хъхьуй са-сад,
Гуьрчегариз авай тегьер.
Рубрика
Добавить комментарий