Дербент шегьер

Мани

Дербент шегьер - Кьвевар шегьер, -
Зи илгьамдин лувар шегьер.
Ви халкьарин дуствал, гьуьрмет,
Машгьур я гьакI гьунар, шегьер.

ПРИПЕВ:
Дербент шегьер - Кьвевар шегьер,
Мидаим хьуй ви тIвар, шегьер.
Стха халкьар са хизан яз
Хьунухь я ви гьунар, шегьер.

Са пад дагълар, са падни гьуьл,
Вун чил хуьдай сенгер хьанай…
Зун, гъетрел хьиз, хьанва вал гуьл,
Сагъ тир, агъзур женгер хьана.

Табасаран, лезги, магъул,
Тавли, урус, чувуд, агъул…
Арадаваз гьуьрмет-хатур,
Къе ви лувак туш гьич сугъул.

Асирралди лезги халкьар
Хвенай вуна душманрикай.
Вун тарихда хьанай бизар
“Эвер тавур мугьманрикай...”

Каспи гьуьлуь туькьуьннани
Къадим лезги ви тIвар, шегьер?
Вал гуьл тушир дагъви женни,
Шегьеррин шагь-Кьвевар шегьер!