Фикрет Хидиров

Хидиров Фикрет Алибубадин хва 1952-йисуз Азербайжан республикадин Кцlар райодин Кириг хуьре дидедиз хьана. 1976-йисуз Бакудин Политехнический Техникум куьтягьна. Ахпа Дербент шегьердиз куьч хьана ва ина "Радиоэлемент" тlвар алай заводда жуьреба-жуьре къуллугърал кlвалахна. Алай вахтунда пенсияда ава.

1974-йисалай Кцlар шегьерда кардик хьайи "Рикlин гаф" эдебиятдин кlватlалда иштиракна. Сифте яз шиирар "Къизил Къусар" газетда чап хьана. Гуьгъун лай шаирдин эсерар Магьачкъалада лезги чlалал акъатзавай "Коммунист" газетда. "Дуствал" альманахда, "Литературадин Дагъустан" журналда, "Лезги газетда", Азербайжанда "Бахтавар чил" альманахда, "Чирагъ" журналда, "Самур " ва "Рикlин гаф" газетра чап хьана.

Шаирдин сад лагьай, "Зи багьа чил" тlвар алай, ктаб 2003 йисуз Дербент шегьерда, "Авахь, Самур!" ктаб 2008-йисуз Магьачкъалада, 2011-йисуз "Мугьманда" ктаб чап хьана. Алай вахтунда кьуд лагьай ктабдал кlвалахзава.

Фикрет Хидирован шиирар